Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Poindisano pisuaian, panahak sokodung poimponu kumaa mokipili BN: Salleh

6:54pm 03/05/2016 Maryann 0 views Abal Kinoyonon,Berita Pilihan,Kinoyonon,Kota Kinabalu,Pulitik

salleh-komuniksi1-600x4001-600x400
MIRI: Monokodung ngawi BN Sarawak mositi poindisan pisuaian id tanga diolo om manahak sokodung poimponu kumaa toinsanan mokipili paati dilo mooi kaanu kamanangan tagayo id pomilian tagayo pogun, tadau ko-7 tulan Kolimo diti.

Montiri Piromutan om Multimedia, Datuk Seri Dr Salleh Said Keruak minoboros do sokodung poimponu dilo id suang kokitanan undi kumaa mokipili ngawi BN miampai mongoi pongundi ontok tadau mongundi.

“Amu monutun isai mokipili, asal lambing do BN onuai sokodung poimponu,” ka disio id ababayan makan miampai momuruan om boyoon tinaru id kinoyonon Parlimen Miri, totuong tadau Koiso.

Minoboros ih Salleh, paati susumaap okon ko paati pilian do rayat Sarawak sabap pointalang yoloo amu kaanu momorinta.

“Intangai nopo mamaso pomilian pogun ko-11 diti, paati susumaap miala id tatanga diolo id onom kinoyonon,” ka disio.

Tumanud di Salleh, paati susumaap aiso ginawo do kumaraja montok rayat, nga orohian noh do sumiliu lalansanon do rayat.

Ka disio, BN haro struktur di ogirot piagalon do susumaap om porinta binuruan do BN kaanu popomogot ningkokoton rayat Sarawak. – BERNAMA

Apa Komen dan Pendapat Anda

Artikel Berkaitan