Sayang Sabah Facebook

Likes
Sayang Sabah Twitter

11,791

Followers

Sayang Sabah - Portal Berita Negeri Kita

Pogun Sabah monokodung poimponu ponimbanan Bajet 2016

11:04pm 28/01/2016 Maryann 4 views Abal Kinoyonon,Berita Pilihan,Kinoyonon,Kota Kinabalu

musa
KOTA KINABALU: Porinta Pogun Sabah monokodung poimponu ponimbanan Bajet 2016 ih pinoumum dii Luguan Montiri Datuk Seri Najib Tun Razak, di baino.

Boyoon Montiri Sabah Datuk Seri Musa Aman minoboros do laang om inisiatif do porinta diti miming kosudong id timpu babaino ih kotoguang waya amu songkuro osonong kowowoyoon ekonomi pomogunan om montok monguhup papagaan tingorit do rayat.

Ka disio, sundung do kotoguang pogumbalan id timpu di osusa diti, porinta potilombus monungolig om manahak ponguhupan kumaa rayat, iti nokito pointalang maya kopoindalanan mogisuai-suai laang ih posogulu kosuulan do rayat kosuang id Sabah.

“Wookon nopo dilo nga pamansaian do Lebuhraya toi ko ralan magayo Pan Borneo tatap potilombuson om pomoruhangan do duo poh kawagu UTC id Tawau om Keningau.

“Sabap dilo, mongunsikou tokou kumaa porinta lolobi poh kumaa di Luguan Montiri sabap obinsianan, potilombus potunda om manahak kosimbayanon kuma rayat id pogun diti,” ka disio id iso kointalangan habar do hiti di baino.

Tumanud di Musa, porinta optimis do nunu nopo pogumbalan di otoguang tatap aanuu manalasai sokiro toinsanan puru tumilombus miso ginawo om monokodung nunu nopo pingisaman om laang tosonong di aanu papanahon do porinta. – Dii Leolerry Lajius/Sayang Sabah

Apa Komen dan Pendapat Anda

Artikel Berkaitan