Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pogumbalan monoludup sumoliwan tong gas

tong
TAWAU: Pogumbalan songulun kusai kinoyonon, 20 toun, monoludup sumoliwan soginumu 25 tong gas, kikotumbayaan kumaa id pogun sampaping, amu naanu soira bot tosiau dau naanu ginusa Tinimungan Polis Marin (PPM) Tawau id Sungai Haji Kuning jam 8 kosuabon baino.

Tumanud Komander PPM Sabah, ACP Mohamad Madun, sontinimungan puru dau ih mamaso papanau karaja rondaan Op Paradise minomogusa bot tosiau ih mosi-rosi om naanu minanahan montok pinorisa.

“Asil pomorisaan potilombus id suang bot dilo, nambantalan soginumu 16 tong gas Shell om siam tong gas Petronas id suang nga juragan dilo amu nakaanu minopokito nunu-nunu surat kasagaan karait tong di nigitan dau,” ka disio.

Sabap dilo ka disio, tinahan ih juragan sabap amu nakaanu minopokito lisin pongindopuan toi ko sijil kawalan bekalan ih pinosoliwan do Komontirian Pidagangan Suang Pogun, Koporasi om Kopomogunaan (KPNDKK). – Sayangsabah

Komen


Berita Berkaitan