Sayang Sabah Facebook

Likes
Sayang Sabah Twitter

11,752

Followers

Sayang Sabah - Portal Berita Negeri Kita

Pogoduhan momogunoo vape id restoran: Jainab

3:37pm 19/02/2016 Maryann 3 views Abal Kinoyonon,Berita Pilihan,Kinoyonon,Kota Kinabalu

jainab
KOTA KINABALU: Montiri Kotundaan Mogigion om Ahal Momoguno Sabah Datuk Hajah Jainab Hj. Ahmad Ayid minapaatag kumaa restoran ngawi di haro tanda pogoduhan monogirit do poiliu tanda pogoduhan momoguno vape.

Ka disio, laang dilo montok mangalai haro tulun kasala momoguno vape miampai posuang do dadah id sogirit elektronik dilo.

“Nga iti okon ko kirati toinsanan vape haro dadah, sombohogian noh, sabap dilo mositi haro laang mangantob mooi amu aantakan kobolihangkangan dilo,” ka disio kumaa maganu habar kalapas minopotimpuun Mitingan Tagayo Tounan PEMADAM ko-19, id Dewan Bandaraya Kota Kinabalu, konihab.

Tumanud dii Jainab, laang okodou nga mositi onuon kumaa tulun di manahub kooturan dilo.

Karait ahal dadah id pogun diti, ka disio kasalaan momoguno dadah id pogun diti id tanga komulakan nokoingkawas om kototongob kopio, lolobi id labus kakadaian.

“Pogulu diti kasalaan momoguno dadah, kogumuan aantakan id kinoyonon kakadaian nga do babaino diti nokotongkop noh kosuang id labus kakadaian,” ka disio.

Sabap dilo pinokianu disio toinsanan puru do manahak ponguhupan poruput kumaa puru kikuasa sokiro haro aantakan mangakan toi ko kasalaan dadah id kinoyonon diolo. – Sayang Sabah

Apa Komen dan Pendapat Anda

Artikel Berkaitan