Sayang Sabah Facebook

Likes
Sayang Sabah Twitter

11,650

Followers

Sayang Sabah - Portal Berita Negeri Kita

Pogintangan 12 ahal poinsawat kaangayan balajaran Sabah: Jame

12:27am 22/01/2016 Maryann 1 views Abal Kinoyonon,Berita Pilihan,Kinoyonon,Kota Kinabalu

jame alip
KOTA KINABALU: Koupisan Balajaran Pogun (JPN) Sabah manahak pongintangan kopogulu montok popoinsawat panaasan ginumuan Ujian Penilaian Sekolah Rendah (UPSR) om Sijil Pelajaran Malaysia (SPM), toun diti.

Potunud JPN Sabah Datuk Jame Alip minoboros do Petunjuk Prestasi Utama (KPI) i pinatantu montok UPSR nopo nga mamagampot Gred Purata Negeri (GPN) 2.20 om 65 pihatus nakapaas, montok SPM nopo nga 4.70 GPN om 92 pihatus nakapaas.

Minoboros isido, sundung do pogun diti nakalantoi pinopokito kinoingkawason tosonong pogulu diti nga kakal amu po nakadapot KPI di pinatantu.

“Sabap no dilo mositi mongulud tokou ababayan ngawi intervensi i lobi koowit tanda takawas id suang popoinsawat naangayan diti kopitanud miampai koimbulaian om kosingubasan posorili kikualiti id suang JPN Sabah om id Tupis Balajaran Watas (PPD).

“Alansan oku toun diti kaanu tokou lumaang id toguang om kopoinsawat naangayan balajaran id pogun diti kopitanud miampai pogun ngawi do suai id Malaysia,” ka disido.

Minoboros isido miagal dilo ontok minopolombus pason toun 2016 id Auditorium Kompleks Kotorinaan, Porinta Longkod Sabah, id hiti, di konihab.

Minoboros i Jame ontok toun diti, JPN Sabah nga manahak pongintangan kumaa ababayan LINUS 2.0, Balajaran Abad ko-21 om Ababayan Kosimbanon Watas i pinapantod wagu id suang mongintong kualiti balajaran kotilombus koinsawat.

“Koupisan miampai PPD mokimamaha montok popoinsawat ginumu sikul band 1 om 2, i tilombus dino mongingkuri ginumu sikul band 5 om 6,” ka disido.

Minoboros isido suai ko koinsawat o balajaran, JPN Sabah nga papantod ponorinaan kousinan om akaun okon nopo id nayatan JPN nga nogi id nayatan PPD om sikul. – BERNAMA

Apa Komen dan Pendapat Anda

Artikel Berkaitan