Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Podtuludan kumoinsan Tigerair kumaa Kota Kinabalu

tigerair
KOTA KINABALU: Podtuludan tambang omura Koiso id Taiwan, Tigerair Taiwan minamaramai podtuludan kumoinsan dau mantad Taipei (Taoyuan) kumaa Kota Kinabalu, di konihab.

Monguhup Montiri Kotombuluian, Koubasanan om Ahal Posorili Datuk Pang Yuk Ming minoboros do pingisaman id tanga Tigerair om Kotombuluian Sabah kaanu monguhup poingkawas kosuangan tutumombului mantad pogun China kumaa Sabah.

“Toun nakatalib, ginumu kinorikatan do tutumombului Taiwan kumaa pogun diti nopo nga nokoingkawas kumaa 41,000 toi ko soginumu 31 pihatus piagalon toun 2014.

“Otumbayaan oku miampai kumponi podtuludan kawawagu diti ginumu korikatan tutumombului mantad Taiwan nopo nga koingkawas toun diti om nogi toun abantalan,” ka disio.

Minoboros isido miagal dilo id pitimungan habar kopihondot podtuludan kumoinsan Tigerair, Taiwan id Sosondoton Kapal Tutumulud Kota Kinabalu (KKIA), do hiti di konihab.

Suai koi lo, ka disio, pingisaman dilo okon nopo ko kaanu manahak kosuulan kumaa toinsanan mogigion Sabah nga kaanu nogi manahak kosuulan kumaa mogigion Sarawak. – Dii Elezebeth Esther/ SayangSabah

Komen


Berita Berkaitan