Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

PM haro kopotutan patantu tinimungan momuruan: KM

musa

KOTA KINABALU – Porinta Sabah kokito pomilian ningkokoton kawawagu id suang Kabinet Montiri Pisompuruan sabaagi pingisanan Luguan Montiri Datuk Seri Najib Tun Razak popogirot karaja.

Miampai mamaramit tosonong duo pomilian turos kawawagu id Kabinet dilo mantad Sabah, Boyoon Montiri Datuk Seri Musa Aman minoboros do ih Najib haro kopotutan momonsoi koputusan miagal dilo.

“Yoho lumansan porinta pogun mongunsikou om monongkotoluod kumaa montiiri kawaawagu ih pinili momuruan id ponorinaan porinta pisompuruan kosuang ih Datuk Seri Salleh Tun Said om Datuk Wilfred Madius Tangau.

“Otumbayaan oku, pangalaman diolo id pulitik om karaja id porinta pogulu diti kaanu momonu ponorinaan porinta pisompuruan,” ka disio id iso kointalangan do hiti di baino.

Salleh pinili Montiri Komunikasi om Multimedia om ih Madius nopo nga Montiri Sains Tiknologi om Inovasi (Mosti).

Rombakan Kabinet dilo kapaampai pongiduan dii Tan Sri Muhyiddin Yassin mantad ningkokoton Kumoduo Luguan Montiri om nalanan dii Datuk Seri Ahmad Zahid Hamidi. – Dii Sitti Nor Azizah Talata / SayangSabah

Komen


Berita Berkaitan