Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

PLKE momonsoi kantung goos tagayo id pomogunan

Wookon kantung di winonsoi momoguno barangan di amu gunoon. - foto Monica Gidong
Wookon kantung di winonsoi momoguno barangan di amu gunoon. – foto Monica Gidong

KOTA KINABALU – Longkod Pinsingilaan Kraftangan Epal (PLKE) kipomusarahan do posurat ngaran id suang “Guinness World Record” montok momonsoi kantung goos tagayo id pomogunan momoguno rasuk kemeja kopihondot Kimpin Kitar Semula.

Kimpin dilo pinaharo mantad podii tadau ko-20 tulan Kotolu nakatalib om opupusan tadau ko-19 tulan Kaapat diti id piro-piro longkod pomoli bolian id posorili kakadaian.

Ababayan dilo kihontolon do popoingkawas kopurimanan mogigion moi lobi kreatif momoguno barangan kitar semula montok momonsoi iso asil kawawagu di kiguno montok toinsanan tulun.

Tumanud Pongurus Longkod Pinsingilaan Kraftangan Epal Kota Kinabalu Moirin Douni, kimpin dilo kapanau solinaid duo tadau mantad 20 tulan Kotolu id Suria Sabah, id Wisma Merdeka (tadau ko-30 om 31 tulan Kotulu).

“Kimpin diti pohoroon id Palm Square Centre Point Kota Kinabalu ontok tadau ko-29 tulan Kotolu gisom 7 tulan Kaapat om id City Mall 10 tulan Kaapat gisom 19 April. Pokikitanan dilo ukabon mantad 9.30 kosuabon gisom 9 totuong,” ka disio. – Dii Monica Gidong / SayangSabah

Komen


Berita Berkaitan