Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

PKPS mongunsub mogindapu popoinsiriba gatang barang

Dato-Fadli-1-442x500
KOTA KINABALU- Kotinanan Mogindapu om Porindustrian Sabah (PKPS) minongunsub toinsanan mogindapu id Sabah do poinsiriba gatang barang sasbap nokoinsiriba noh gatang tumau id pogun diti.

Porosidin dau Datuk Mohd. Fadli Fathullah minoboros, gatang kakamot id Sabah kakal apagon piagalon id Sememanjung kosuang porkhidmatan lotirik om suai.

Sabap dilo ka disio, soira nokoinsiriba gatang do tumau, mogindapu apatut poinsiriba gatang barang ih binoros di pogulu poingkawason gatang do barang sabap kinoingkawason gatang tumau.

“Mamaramit oku kointalangan di Montiri Pomutanaman om Industri Asas Tani Datuk Seri Ismail Sabri Yaakob ih mokianu kumaa toinsanan momoguno momboikot mogindapu ih amu poinsiriba gatang do kakamot,” ka disio, id kointalangan hiti di baino.

Minoboros ih Mohd. Fadli do mogigion Cina amu apatut mogintong kointalangan montiri nokomoi sabagi rasis sabap nunu ih binoros disio, montok toinsanan mogindapu.

“Nga kogumuan mogindapu tinaru Cina, iri no sasabap nokopuriman iyolo dilo kointalangan. Otumbayaan oku do isido (Ismail Sabri) minoposoliwan kointalangan dilo miampai tujuan di osonong do momisunud kumaa mogindapu do Cina moi poinsiriba gatang barang,” ka disio. – Dii Monica Gidong / SayangSabah

Komen


Berita Berkaitan