Sayang Sabah Facebook

Likes
Sayang Sabah Twitter

11,821

Followers

Sayang Sabah - Portal Berita Negeri Kita

Piuludan nasional tuod kalantaian pogun: Kurup

11:48pm 02/05/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

perpaduan
KOTA KINABALU: Piuludan nasional nopo nga tuod do kalantaian pogun, ka di Montiri id Koupisan Luguan Montiri Tan Sri Datuk Seri Panglima Joseph Kurup.

Ka disio, piuludan nasional nopo nga iso ahal kosuul ih papaanu pogun diti nosiliu sabaagi iso pogun di nakalantou rumikot toun 2020.

“Otumbayaan oku miampai piuludan di ogirot, pogun tokou kaanu mamagampot kalantaian di tosonong,” ka disio soira minanahak boboroson id ababayan kopotimpuunan ‘Hontog Kaamatan 2016’ id Magellan Sutera Harbour Resort, do hiti di baino.

Sabap dilo pinosorou disio toinsanan mogigion pogun diti mooi mongunsikou sabap nokopuriman kowowoyoon di oulud om osimbayan.

“Mositi tokou mongunsikou sabap nakaanu poimpasi id pogun diti miampai osimbayan. Kosimbayanon om kouludon do pogun solinaid diti okon ko nakasandad nokoimbulai nga mantad pingisaman do momuruan, porinta om mogigion mogisuai-suai tinaru pogulu diti gisom baino,” ka disio.

Sabap dilo pinokianu disio Piisaan Kadazan Sabah (KSS) mooi kasasari mingisom do pogirot piuludan om koisaan id tanga mogigion KadazanDusun Murut (KDM). – SayangSabah

Apa Komen dan Pendapat Anda

Artikel Berkaitan