Sayang Sabah Facebook

Likes
Sayang Sabah Twitter

11,789

Followers

Sayang Sabah - Portal Berita Negeri Kita

Piuludan apatut tomposion montok kosimbayanon do rayat

1:31am 30/12/2015 Maryann 0 views Keningau,Kinoyonon

radin tenom
TENOM: Piuludan om kotoronongon ih nokoimbulai mantad id tanga mogigion mogisuai-suai tinaru om ugama id pogun diti mositi tomposion montok kotilombuson kotundaan om kosimbayanon koposion do rayat.

Montiri Kotundaan Labus Kakadaian, Datuk Radin Malleh minoboros do pirotian takawas id tanga mogigion mogisuai-suai tinaru id pogun diti nakaanu minomoto pingisaman tulun aiso tonggungan ih mumbal momiraag piuludan do rayat.

“Porinta kasasari mongunsub kopoonjuran ababayan mogigion om koubasanan kosuang ababayan walai poingukab kopihondot Tadau Krismas ih kosiliu wayaan do popogirot piuludan om piromutan do rayat mogisuai-suai tinaru id Sabah lolobi id watas diti,” ka disio.

Radin ih ponogi Puru Walai Koundangan Pogun (ADUN) Melalap minoboros miagal dilo id ababayan walai poingukab karamaian Tadau Krismas pinaanjur do Parti Bersatu Sabah (PBS) Bahagian Melalap id walai disio id Kampung Makakumpai, do hiti di tadau Koiso nakatalib. – SayangSabah

Apa Komen dan Pendapat Anda

Artikel Berkaitan