Sayang Sabah Facebook

Likes
Sayang Sabah Twitter

11,653

Followers

Sayang Sabah - Portal Berita Negeri Kita

Piuhupan mamagampot rikoton Komiti Tiknikal RCI, okon mongunsub mololop: Pairin

12:55pm 09/01/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

pairin rci
KOTA KINABALU: Toinsanan puru id Sabah mositi manahak ponguhupan om pirotian poimponu id suang monulung, Komiti Ponorinaan Tiknikal montok monoriuk atag ngawi Suruhanjaya Ponoriukan Diraja (RCI) karait Modidikot Aiso Kasagaan (PATI) id Sabah, momongo ruputan karait ahal ngawi dilo miampai tosisikap om okon ko mongunsub komiti dilo lolopon.

Ponorikohon dau, Tan Sri Joseph Pairin Kitingan minoboros do komiti dilo minopoindalan karaja om tonggungan ih pinatahak montok mamagamot ruputan di haro atag poimpatut karait ahal modidikot songkosuaian id Sabah sabap kopuriman toinsanan puru poiliu kalansanan takawas montok manalasai kobolihangkangan dilo.

“Isai-isai puru kaanu monogur doho, nga puru di monogur apatut patahak pomusarahan pointantu montok mamagampot rikoton ih pokionuon tokou toinsanan.

Kobolihangkangan PATI nopo nga kobolihangkangan kompleks, nokuro moboros oku miagal dilo? Sabap wookon nopo ahal di pasabap kobolihangkangan do PATI diti nga tulun kinoyonon sondiri ih momoguno diolo om amu monguhup id suang ahal manahak ruputan kumaa puru kikuasa montok laang,” ka disio.

Minoboros isido miagal dilo kumaa maganu habar montok mongomi pongunsuban Kumoduo Porosidin SAPP Edward Dagul ih manu di Pairin pololob komiti tiknikil RCI, ih pinoimbulai kotimpuunon toun nakatalib, sasabap kinaambanan momongo ruputan.

Poingkuro po ka di Pairin ih ponogi Kumoduo Boyoon Montiri minoboros do aiso kuasa disio pololop komiti dilo sabap pinili noh isido montok momuruan om mangadang nunu-nunu atag kosuang mantad susumaap montok posuangon sabaagi wookon ponginamakan manalasai kobolihangkangan PATI. – BERNAMA

Apa Komen dan Pendapat Anda

Artikel Berkaitan