Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Piuhupan kuasa id BN oporlu insanangan

Radin Malleh (tanga) mamaramit 32 borang puru wagu PBS raan Batu Tiningkang Tenom mantad di Shuib Hashim, id ababayan dilo. - foto Kalawon Sawing
Radin Malleh (tanga) mamaramit 32 borang puru wagu PBS raan Batu Tiningkang Tenom mantad di Shuib Hashim, id ababayan dilo. – foto Kalawon Sawing

TENOM – Koubasanan miuhup kuasa id tanga parti ngawi komponen Barisan Nasional (BN) id Sabah minogowit komogoton om piuludan mogigion mogisuai-suai tinaru id pogun diti.

Montiri Kotundaan Labus Kakadaian, Datuk Radin Malleh minoboros do, koubasanan miuhup kuasa do babaino diti oporlu insanangan om momuruan takawas do BN apatut papanau ponginsanangan montok popogirot do BN id pomilian tagayo timpu abantalan.

“Otumbayaan oku do toinsanan pomusarahan do PBS kokomoi ahal ngawi kagait piuhupan kuasa mangan adango dilo momuruan takawas BN Pogun,” ka disio id ababayan momuruan miampai mogigion om kinosuangon soginumu 32 puru wagu PBS id Kampung Batu Tiningkang Tenom, hiti di konihab.

Radin ih ponogi Kumoduo Porosidin PBS minoboros do, kinalantaian do PBS lumipantai mogisuai-suai pogumbalan id pulitik mantad noturidong paati dilo 30 toun nakatalib popokito ababayan popogirot paati ih pinapanau do momuruan paati dilo id wayaan di pointopot.

“PBS kasasari mamaramit kotonudan mogigion mantad mogisuai-suai tinaru sumuang id paati diti,” ka disio. – Dii Kalawon Sawing / SayangSabah

Komen


Berita Berkaitan