Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Piuhupan JAPEN, JCK poingkawas waya panahakan kointalangan kumaa mogigion

japen
KOTA KINABALU: Piuhupan tosonong id pialatan Koupisan Kointalangan Malaysia (JaPen) om Koupisan Cetak Koporintaan Sabah (JCK) kosuul montok poingkawas waya panahakan kointalangan montok rayat.

Kumoduo Boyoon Potunud (Pongurusan) JAPEN, Datuk Almain Ajirul minoboros do kotilombusan piuhupan togirot dilo kaanu momonsoi iso pomusarahan om waya kawawagu montok posibar do kointalangan karait impohon ngawi porinta.

Ka disio, pibarasan dilo nakaanu minopoimbulai mogisuai-suai pomusarahan om atag tosonong montok poingkawas tonggungan koduo-duo puru.

Minoboros isido miagal dilo soira minapaharo tombului tapantang kumaa Potunud Koupisan Cetak Koporintaan Sabah, Datuk Haji Salsidu Ibrahim do hiti di tadau Kaapat nakatalib.

Daamot dilo, mongunsikou ih Salsidu kumaa pomilian dii Almain mantad tadau ko-25 tulan Kaapat nakatalib om minopolombus pamagatangna kumaa toluod poompus disio momuruan do JaPen Sabah.

Nokotindapou nogi ih Kumoduo Potunud Kointalangan Yunus Saprin om Mongulud Malaysia Aktif Sabah, Yahya Abdul Rajak.-SayangSabah

Komen


Berita Berkaitan