Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Piuhupan do LPS om kumponi podtuludan kaanu poingkawas tutumombului

pang-1
KOTA KINABALU: Koporintaan pogun maya Kotinanan Kotombuluian Sabah (LPS) miuhup miampai kumponi ngawi podtuludan montok poingkawas aksesibiliti udara suai ko mogintong kopio siktor kotombuluian id pogun diti kotilombus kotunda.

Monguhup Montiri Kotombuluian, Koubasanan om Ahal Posorili Datuk Pang Yuk Ming minoboos do Sabah do babaino haro 146 postuludan kotilombus sompomogunan miampai 24,038 kapasiti tirikohonon id saalom sominggu ih momoromut pogun diti kumaa 16 ririkoton miagal Brunei, Hong Kong, Shenzhen, Shanghai, Guangzhou, Hangzhou, Wuhan, Jakarta,Tarakan, Bali, Manila, Tokyo, Perth, Singapura, Seoul om Taipei.

“Piuhupan id tanga LPS om kumponi podtuludan kituduan mongunsub do kumponi podtuludan pointutun ponorinaan podtuludan kotilombus kumaa Sabah, do podtuludan dilo kijadual toi ko podtuludan siwa poimbida,” ka disio.

Minoboros isido miagal dilo id pitimungan walai koundangna pogun do hiti di konihab. Minonimbar isido ponguhatan ADUN Banggi, Datuk Abdul Mujil Hj. Unaini.

Tumanud di Pang, LPS kasasari mongintutun pasaran-pasaran kawawagu ih kitangaayan sabaagi laang mogintong do pomorunan kotombuluian id Sabah kotilombus koingkawas.

Suai koi lo, LPS momoguno media sosial miagal Facebook, Instagram, Twitter, Wechat, Sina Weibo sabaagi tampat pointutun do Sabah id mato somponogunan.

“LPS miuhup nogi miampai kumponi aplikasi telefon mudah alih ih nointutunan id pogun China, ilo nopo nga Baidu.com ih haro lobi 45 riong momoguno om enjin pogihuman goos tagayo id China,” ka disio. – SayangSabah

Komen


Berita Berkaitan