Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Piuhupan agensi, NGO Islam mamarantis piuludan

ngo islam

KOTA KINABALU – Pimparagatan do agensi om kotinanan okon porinta (NGO) id pingisaman kopoindalanan ababayan dakwah om kobajikan id pogun diti nopo nga iso tanda tosonong ih apatut potilombuson.

Tumanud Boyoon Montiri Datuk Seri Musa Aman, kowowoyoon miagal dilo kaanu poposindak ababayan dakwah om tarbiah ih pinonidalan solinaid diti.

“Alansan oku mooi koubasanan miagal diti kotilombus kosuni id tanga mogigion pogun om potilombus manahak pongunsuban kumaa pingisaman popoingkawas ummah mantad mogisuai suai ahal.

“Otumbayaan oku kaanu ilo popogirot do piromutan om piuhupan do NGO om agensi Islam id pogun diti montok mamagampot rikoton miampai manahak ponguhupan tinimungan amu songkuro osonong nasip,” ka disio.

Minoboros isido miagal dilo id ababayan mongukab puasa Perdana Agensi Islam Sabah pinaanjur do Majlis Agama Islam Sabah (MUIS) id Dewan Saadah, Wisma MUIS, do hiti di konihab.

Id ababayan dilo minapatahak nogi ih Musa Anugerah Khas om sakadai kumaa tangaanak aiso molohing om tinimungan amu kakampu.

Nokotindapou nogi ih Monguhup Montiri id Koupisan Boyoon Montiri Datuk Ariffin Mohd. Arif om Potunud Koupisan Ahal Agama Islam Pogun Sabah (JHEAINS), Datuk Abd. Halim Nayan. – Dii Sitti Nor Azizah Talata / SayangSabah

Komen


Berita Berkaitan