Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pisoko lampung timpu sanjaam montok do pomogunan

SOKODUNGO EARTH HOUR… Abidin (tolu mantad wanan) miampai lalansanon puru porinta om misosondiri popokito ‘Pledge’ sabagi tanda sokodung kimpin Earth Hour 2015.
SOKODUNGO EARTH HOUR… Abidin (tolu mantad wanan) miampai lalansanon puru porinta om misosondiri popokito ‘Pledge’ sabagi tanda sokodung kimpin Earth Hour 2015.

KOTA KINABALU – Dewan Bandaraya Kota Kinabalu (DBKK) miampai ponguhupan Hyatt Regency Kinabalu om Tabung Alam Sekitar Sedunia (WWF) Malaysia papaanjur kimpin Earth Hour 2015 nayatan kakadaian Kota Kinabalu tadau Koonom (tadau diti).

Kimpin nopo dilo nga kimpin monikid toun montok mogigion poimpuli pogun kihontolon popoingkawas kopurimanan mogigion kinosimbanon do kowowoyoon pomogunan.

Id timpu sanjaam, mogigion pokionuon do momisok do lampung om kakamot momoguno lotirik id walai om kadai toi ko tupis diolo solinaid sanjaam mimpuun 8.30 gisom 9.30 totuong diti.

Mayor Datuk Abidin Madingkir mokianu kumaa toinsanan mogigion id kakadaian diti do miampai papalantoi kimpin dilo potilombus monokodung pingisaman porinta poposiliu Malaysia sabagi pogun diti di otomou.

“Onuai timpu sanjaam kumaa pogun tokou, pisoko ngawi lampung om kakamot lotirik id kimpin diti montok tinimungan komulakan timpu abantalan,” ka disio.

Ka disio, lampu talun-alun id posorili kakadaian poompus kimpin diti mangan tutupai. Kinoyonon nopo dilo nga Teluk Likas gisom bulatan Masjid Bandaraya, Segama, Waterfront, Sinsuran, Jalan Mat Salleh, First Beach Tanjung Aru, Jalan Tun Razak om posorili Karamunsing. – Dii NUZIR ANDI SAMSIAR / Sayangsabah

Komen


Berita Berkaitan