Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pirotian paati pulitik kiguno montok kosuulon do rayat Sabah

anifahaman. 07 jpg
KOTA KINABALU – Pingisaman popiamung paati ngawi pulitik id pogun diti montok momogompi hak-hak Sabah miagal di poinsuang id Porlombagaan kakal amu nakalambat.

Timpu om maso dilo apatut gunoon diolo montok mirikau iso mija om mogiboboros ahal, jominan om batos di pinatahak kumaa pogun diti soira pinonuridangan Malaysia 1963 lolobi karait Perkara 20.

Pogulu diti, tulun ginumuan insaru korongou om haro nogi pibarasan karait pinonuridangan Malaysia 1963 ih pinogibabarasan nakaanu minanahak pongintangan lobi aralom karait tulu dilo kumaa tulun ginumuan.

Tumanud Ponorikohon Parti Reformasi Negeri (Star), Datuk Dr. Jeffrey Kitingan, id timpu disio, nokoindalan iso pirubaan id tanga paati ngawi id Sabah nga amu nakalantoi asil pibarasan dilo.

“Ponguhatan tulun ginumuan nokuro tu amu miamung o paati di gulu …kopio nopo nga haro ih, mulong do okon oku ko puru pulitik di maso dilo, nga yoho sondiri minongoi ruba di Tun Mustpha om piro-piro tulun minogiboboros karait ahal diti.

“Mantad podii gulu manu tokou mirikau om mogiboboros poingkuro tokou miso nga aiso kinalantaian gisom lobi 20 toun. Sabap dilo mongunsikou oku kumaa di Montiri Labus Pogun Datuk Anifah Aman, ih minonimpuun laang diti.

“Apatut tokou mirikau om mogiuhup uhup nunu pomusarahan tokou,” ka disio soira minonimbar ponguhatan id suang Forum Pibatasan Ponuridangan Malaysia 1963 pinaanjur Komontirian Labus Pogun id Kompleks Dewan Kuliah Kedua, Universiti Malaysia Sabah (UMS), do hiti.

Daamot dilo, panganalisis pulitik om ekonomi Zainal Ajamain minoboros do, toinsanan puru pinokianu momusorou taralom om mamantang Pibatasan Malaysia 1963 om popikait dilo miampai kotundaan Malaysia. – Dii Sitti Nor Azizah Talata / SayangSabah

Komen


Berita Berkaitan