Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pirotian id tanga mogigio, porinta mamajamin kotanangan pogun

Tan Sri Joseph Pairin Kitingan. – foto Ille Tugimin
Tan Sri Joseph Pairin Kitingan. – foto Ille Tugimin

KOTA KINABALU: Karamaian Toun Wagu Sina ih nosiliu iso karamaian tagayo id Malaysia popokito osimbayan tomod o mogigion pogun diti papanau koubasanan diolo, om nogi kaanu manahak kosiwatan do mamaramai mogisuai suai karamaian do tinaru suai.

Kumoduo Boyoon Montiri Tan Sri Joseph Pairin Kitingan minoboros do okito ilo maya pirubaan om pirumaan do mogigion mogisuai suai tinaru id Sabah ih nokorikot id toiso-iso karamaian.

“Soira papaharo tokou karamaian miagal Harii Raya, Krismas, Kaamatan om Toun Wagu Sina tantu noh do sunduan karamaian dilo kaanu poposindak piuludan mogigion Sabah.

“Nunu ih kosuul, koubasanan diti okon ko kitimpu id timpu-timpu karamaian noh nga piuludan om pirotuan toiso iso dati laid noh nokogirot,” ka disio kumaa maganu habar id ababayan walai poingukab Toun Wagu Sina PBS, hiti di konihab.

Ababayan walai poingukab dilo notindapou di Boyoon Montiri Datuk Seri Musa Aman om sawo disio Datin Seri Faridah Tussin om nogi montiri ngawi Kabinet pogun om momuruan paarti komponen Barisan Nasional (BN) pogun.

Pairin ih ponogi Porosidin PBS minoboros do, kaamanan pogun diti gisom baino popomilo do rayat mogisuai suai tinaru om ugama mamaramit mogisuai suai karamaian miampai ih popokito piuludan om piuhupan ogirot id tanga porinta om rayat. – Dii Sitti Nor Azizah Talata / SayangSabah

Komen


Berita Berkaitan