Sayang Sabah Facebook

Likes
Sayang Sabah Twitter

11,676

Followers

Sayang Sabah - Portal Berita Negeri Kita

Piromutan diplomatik Malaysia om China kotilombus ogirot

6:14pm 14/02/2016 Maryann 1 views Abal Kinoyonon,Kinoyonon,Kota Kinabalu

malaysia cina
KOTA KINABALU: Piromutan diplomatik Malaysia om China kalapas 42 toun nokotilombus nokogirot om nokosindak lolobi id kaganaan diplomatik om ekonomi.

Ttumanud Boyoon Montiri Sabah Datuk Seri Panglima Musa Hj. Aman, piromutan togirot diti nopo nga iso kotundaan om piuhupan kisusuian kalapas 42 toun miromut ih pinotimpuun dii bagas Luguan Montiri Tun Abdul Razak.

“Maya piromutan piuhupan togirot diti, alansan tokou lobi ogumu kumponi mantad China papaapu id pogun diti,” ka disio soira minanahak boboroson id kouliton toun ko-42 piromutan diplomatik id tanga Malaysia om China id Kompleks Sukan Likas, kosodop.

Tumanud dii Musa piromutan piuhupan tosonong diti kotilombus pogiroton id mogisuai-suai kaganaan, lolobi id kaganaan kotombuluian sabap ginumu tutumombului mantad China ih rumikot tumombului id pogun diti nokotilombus nokoingkawas.

Ka disio, Sabah nopo nga iso kinoyonon di osima mogisuai-suai karamaian ih ramaion miampai toinsanan mogigion mogisuai-suai tinaru om ugama.

“Nunu nopo karamaian id pogun diti ramaion miampai toinsanan mogigion sundung mogisuai-suai koubasanan om kotumbayaan,” ka disio. – Leolerry Lajius/Sayang Sabah

Apa Komen dan Pendapat Anda

Artikel Berkaitan