Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Piolitan kawagu kinoyonon Parlimen hak do SPR

Azizah Mohd Dun popotunui sakadai kantung sikul kumaa songulun tanak sikul id SK Rimbaan kopihondot Ababayan Ziarah Kobajikan Parlimen Beaufort. – foto Aryan De Vera
Azizah Mohd Dun popotunui sakadai kantung sikul kumaa songulun tanak sikul id SK Rimbaan kopihondot Ababayan Ziarah Kobajikan Parlimen Beaufort. – foto Aryan De Vera

KUALA PENYU – Nunu nopo atag karait piolitan kawawagu montok momoruhang ginumu korusi Parlimen id pogun diti haro kopotutan om kaanu momonu kopoluan mogigion pogun diti.

Kumoduo Montiri Kotundaan Koonduan, Paganakan om Mogigion ih ponogi Puru Parlimen Beaufort, Datuk Azizah Mohd. Dun minoboros do atag dilo mangan intangai mantad kososuaian om nogi faktor logistik.

“Ilo nopo nga poposinang lalansanon do rayat papanau karaja lobi kiwaya kumaa rayat kosung nogi mongigit lobi ogumu kotundaan id kinoyonon di nakaampai,” ka disio soira rinomut maganu habar kalapas popotunui sakadai kakamot sikul om Bantuan Awal Persekolahan kumaa susumikul id SK Rimbaan, hiti di konihab.

Minoboros isido miagal dilo soira pinokianu monugut kointalangan Mongigit Daamot Porosidin UPKO, Datuk Madius Tangau ih lumansan do piolitan kawagu dilo papaampai pomoruhangan ginumu korusi Parlimen id pogun diti mangan tumpuo id kinoyonon Pantai Barat Sabah.

Poingkuro po ka di Azizah atag papatantu karait piolitan kawagu dilo id siriba bidang kuasa Suruhanjaya Pilihan Raya (SPR).

Sabah do babaino diti haro 60 korusi Dewan Undangan Negeri (DUN) om 25 kinoyonon Parlimen mantad nakapanau kolimpupuson piolitan kawagu di toun 2003. – Dii Aryan De Vera / SayangSabah

Komen


Berita Berkaitan