Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pioduhan duo miobpinai kusai minogowit kinapataion

Ginsok ih kikotumbayaan ginuno di natandasan do minonimbak tadii kusai disio. - foto Kalawon Sawing
Ginsok ih kikotumbayaan ginuno di natandasan do minonimbak tadii kusai disio. – foto Kalawon Sawing

KENINGAU – Pioduhan duo kusai miobpinai id soliwan walai diolo id Kampung Sukon, Tambunan, somok hiti di kawawagu minogowit kinapataion songulun mantad diolo soira tinimbak inglimo momoguno ginsok.

Id kinaantakan dilo, munggui songulun mororobuat nointutunan do Ronnie Linus, 25, noiduan ginawo id kinoyonon nokomoi sasabap noindamaan nosindualan om nokito haro bagas notimbak nopilopuson tinan dau kikotumbayaan tinimbak id somok di tabangon disio.

Boyoon Pulis Watas Deputi Superitendan Douglas Taong minoboros do naantakan o kinaantakan dilo kosuabon tadau Minggu kalapas kinogulio mantad karamaian pisasawaan id Kampung Timbou, Tambunan.

Tumanud di Douglas, nakaramit o pulis ruputan mantad tulun ginumuan do haro tulun notimbak om poingiliu id soliwan walai dau id kampung nokomoi pikikiro jam ko-3.19 kosuabon di tadau dilo.

Ka disio, sontinimungan pulis mantad Koupisan Ponoriukan Kasalaan Tawagat (JSJ) Longkod Tupis Watas (IPD) Keningau binuruan disio sondiri om Boyoon Bohogian JSJ Asisten Superitendan Lee Nyuk Kim, marau-arau minongoi id kinaantakan dilo om nokito iso rata songulun kusai noponu raha poimpakai soluar toniba om aiso rasuk id toguang do walai nokomoi.

“Asil mantad ponoriukan, munggu songulun mororobuat, amu poh nakasawo mantad Kampung Sukong, Tambunan poingion miampai koduo molohing dau om iso tabang (natandasan) kiumur 44 toun om tanak kiumur tolu toun,” ka disio kumaa maganu khabar id Bilik Gerakan IPD Keningau, hiti di kawawagu.

Minoboros ih Douglas do, ih natandasan kikotumbayaan minogidu id gouton miampai poingigit so sinjata ih ginuno dau minonimbak di munggui, naanu tinahan id timpu 27 jam kalapas kinaantakan dilo.

Ih natandasan tinahan daamot montok soriukon tumanud Seksyen 302 Kanun Keseksaan ih kopogowit hukuman gantung gisom apatai, sokiro oilaan kasala. – Dii Kalawon Sawing / SayangSabah

Komen


Berita Berkaitan