Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pinoumum do PM piro-piro porojik kotundaan pikikiro papanahon id Labuan

 Mogigion Labuan nakaanu kosiwatan tumabi di Najib id kotombuluian disio solinaid sangadau do hiti. - foto Jabatan Penerangan

Mogigion Labuan nakaanu kosiwatan tumabi di Najib id kotombuluian disio solinaid sangadau do hiti. – foto Jabatan Penerangan

LABUAN – Luguan Montiri Datuk Seri Najib Tun Razak minopoumum piro-piro kosuulon kosuang poruntukan RM15 riong mangan posodiao montok popoingkawas porkhidmatan feri id Nayatan Pisompuruan Labuan.

Poruntukan nokomoi iso tutungkap kopihondot kouliton toun do wilayah nokomoi ih pikikiro romiton toun baino.

Osontob nogi ginawo di Najib dilo porkhidmatan Longkod Transformasi Kakadaian (UTC) id Sabah om Sarawak om minoboros do porinta longkod nga kiatag nogi monuridong iso mini UTC id Labuan.

“UTC id Kuching, Sarawak om Kota Kinabalu, nopo nga iso koporintaan, nakaanu raramit tosonong mantad tulun ginumuan, ka disioo soira minanahak boboroson id ababayan kopongukaban Pasar Sentral om Kenduri Satu Wilayah, id Labuan.

Nokotindapou id ababayan dilo, Montiri Wilayh Pisompuruan, Datuk Seri Utama Tengku Adnan Tengku Mansor; Kumoduo dau, Loga Balamohan; Puru Parlimen Labuan, Datuk Rozman Isli om Boyon Potunud Porkhidmatan Awam Tan Sri Mohamad Zabidi.

Tumanud di Najib, id UTC piro piro puru porinta papanau tonggungan id suang iso bangunan om tulun ginumuan nga kaanu nogi passport om Mykad id timpu sanjaam piagalon pogulu diti. – Dii Sitti Nor Azizah Talata / SayangSabah

Komen


Berita Berkaitan