Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pinoopi dadah id bilik hotel, duo tulun tinahan

dadah2
KOTA KINABALU: Duo tulun ginakom do pulis sabap kikotumbayaan kiharo dadah pinoopi id bilik hotel do hiti.

Pamagakaman dilo pinapanau kalapas tinahan do pulis songulun kusai id Sadong Jaya Commercial Centre ih wag upon nokolintuhun mantad korita Honda kiwotik oitom di konihab.

Boyoon Pulis Watas ACP M.Chandra, mantad kointalangan di kusai dilo, puru pulis nigitan minooi id bilik hotel dilo om soira nokorikot, nukaban di songulun tondu.

“Kusai nokomoi minooi panganu iso kutak id tisan do katil. Mantad pomorisaan nokito 22 liopot polositik mogisuai-suai ginayo kisuang bubuk-bubuk opurak kikotumbayaan dadah Ketamin kiwinagat pikikiro 74.50 gram, 2 linsou pil Erimin 5, 10 linopot polositik aiso suang om iso ponimbang elektronik,” ka disio.

Asil naahau diloo kigatang pikikiro RM5000. Asil ponoriukan tosopung, kusai dilo minangakun sanganu do kakamot dilo ih naanu mantad songulun tondu kinoyonon. Ponoriukan kakal papanahon. – Leolerry Lajius/Sayang Sabah.

Komen


Berita Berkaitan