Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pinokianu o Kosan moi amu tumilombus lumansan sakadai porinta

tawfiq1-600x367
KOTA KINABALU, 5 Jan : Koperasi Serbaguna Sanya Berhad (Kosan) pinokianu moi amu tumilombus lumansan do ponguhupan toi ko sakadai mantad porinta id suang papanau pongindopuan montok posoliwan rasuk om kasut sikul.

Ponorikohon dau Datuk Tawfiq Abu Bakar Titingan minoboros do amu milo o Kosan tumindohoi lumansan do porinta nga apatut mingisom sondiri miampai sumuang id pidagangan poingukab suang pogun toi ko nayatan sompomogunan.

“Apatut nogi kosan do popoingkawas ningkokoton diolo okon nopo ko id kaganaan monombir nga kaanu tumanud kopokionuan piawaian pointantu ih popomilo diolo miala id pidagangan koposoliwanan rasuk,” ka disio.

Minoboros isido miagal dilo soira rinomut do maganu khabar kalapas minopotimpuun Ababayan Kapanahakan Sitipikit Kopupuson Pinsingilaan kumaa 50 tutumanud Ababayan Seni Kreatif Jahitan Sijil Kemahiran Malaysia tukad koiso gisom kotolu, pinaanjur do Komontirian Komulakan om Sipoot, hiti di konihab.

Toun diti nakaramit o Kosan kopokionuan porinta soginumu RM16.41 riong montok posodia rasuk om kasut sikul montok soginumu 271,696 susumikul sikul tosiriba id Sabah.

Ka di Tawfiq, apatut o Kosan sumodia mundaliu om mamagampot rikoton diolo id timpu abantalan miampai patatap piawaian goos osonong mantad pongurusan, posoliwanan ponombiran do osonong om nogi produk ih kapanahak kotumbayaan do momoguno ngawi. – BERNAMA

Komen


Berita Berkaitan