Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pinoingkawas kimpin pangantaban dadah id IPT

PENCEGAHAN DADAH 10
KOTA KINABALU – Kasalaan momoguno dadah kasasari kosiliu pongundoronok tagayo id pogun diti kosuang id tanga tangaanak sikul id longkod balajaran takawas (IPT) mulong do mogisuai suai pingisaman pinapanau montok mangantob kaantakan dilo.

Sabap dilo, montok mogintong kopio kaanu waya tosonong kimpin pangantaban dadah id IPT, Kolej SIDMA miampai ponguhupan Dewan Bandaraya Kota Kinabalu (DBKK) minapaanjur babayan Cekal – IPT Nokoidu Dadah id Centre Atrium Kolej SIDMA.

Soginumu 144 tangaanak sikul kawawagu semester tulan Koduo nokotindapou id ababayan poimbida dilo sabagi ponuangan ababayan orientasi susumikul.

Ponorikonon do kolej nokomoi Prof. Dr. Morni Kambrie minoboros do ababayan dilo nopo nga papaampai mogisuai suai puru porinta kosuang nogi Koupisan Kolidasan Pogun Sabah, Polis Diraja Malaysia (Longkod Tupis Pulis, Bohogian Operasi om Narkotiks), Koupisan Kotungoligan Talun Alun (JKJR) Sabah om Puru Anti Dadah Kabansaan (AADK). – SayangSabah

Komen


Berita Berkaitan