Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pingisaman posoliwan om manampasi rayat Malaysia mantad Yemen

Anifah Aman (tanga) papatahak watikah pomilian kumaa Duta Besar Malaysia kumaa Korea Utara, Mohamad Nizan Mohamad. – foto Jimmy Tan
Anifah Aman (tanga) papatahak watikah pomilian kumaa Duta Besar Malaysia kumaa Korea Utara, Mohamad Nizan Mohamad. – foto Jimmy Tan

KOTA KINABALU – Mogihum o Malaysia ralan tosonong montok posoliwan om manampasi rayat dau mantad Yemen sasabap kobolihangkangan pulitik ih aantakan id pogun dilo mantad piro-piro tulan nakatalib.

Montiri Labus Datuk Seri Anifah Aman minoboros do puru dau nokopiboros noh miampai kodutaan Yemen montok mogihum ralan otungolig do mongigit mogigion Malaysia sumoliwan mantad pogun atangkangau dilo miampai atampasi.

“Kogumuan rakyat Malaysia id apat nayatan id Yemen nopo nga susumikul tokou om toinsanan diolo di noromut tokou natampasi.

“Tumilombus tokou mingisom, osorou ku om Monunurat Kounsil Pogun (MKN), Datuk Mohd. Tajuddin Abdullah do babaino diti id Arab Saudi mogintong ralan tosonong mongigit sumoliwan rayat Malaysia miampai otungolig,” ka disio.

Mioboros isido miagal dilo soira minongulas karait kobolihangkangan id Yemen om kowowoyoon rayat Malaysi id pogun dilo. – Dii Sitti Nor Azizah Talata / SayangSabah

Komen


Berita Berkaitan