Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pingisaman popoidu di Zakia kakal potilombuson, ka di Pesurujaya Pulis Sabah

zakiahhj-600x367KOTA KINABALU: Pingisaman montok popoidu puru tinimungan Pulis Marin, Konst Zakia Aliep, ih tinangayan mantad iso resort id Semporna toun nakatalib kakal potilombuson, ka di Pesuruhjaya Pulis Sabah Datuk Jalaluddin Abdul Rahman.

Minoboros i Jalaluddin do, pingisaman do popoidu di Zakia kakal potilombuson nga piromutan id pialatan tinimungan monongoi dilo miampai di sawo dii Zakia, Sharifah Erna Berson amu nodii pasagaon do asaru miagal di pogulu diti tu ilo kakasou pingisaman popoidu.

“Pingisaman pointantu no do papanahon. Apatut nopo daa nga iyolo nokoidu noh. Osorou ih maso pinoidu ih mangsa tinangaian (Chan Sai Chuin) id Kunak dii? Pibarasan miming pinapanau montok popoidu koduo-duo diolo.

Zakia apatut daa pinoidu di ko 10 tulan Kohopod om Duo toun nakatalib miampai songulun momogompi sada id Kunak, Chan Sai Chuin, 32 nga songulun noh i Chan pinoidu, ka disio.

Minoboros ih Jalaluddin miagal dilo kumaa maganu khabar kalapas tumindapou id ababayan pitimungan tulanan Longkod Tupis Pulis Kontinjen Sabah, hiti di konihab.

Minonugut isido karait kinoburuon puru pulis dilo om pingisaman do popoidu mantad longon tinomungan monongoi.

Zakia, 27 tinangayan mantas iso resort id Pulau Mabul di ko-12 tulan Koturu toun nakatalib kikotumbayaan do tinimungan tulun araat tuminalib piolitan Abu Sayyaf. Id kinaantakan jam ko-11.10 totuong dilo, tambalut di Zakia, Kpl Ab Rajah Jamuan, 32, napatau notimbak tinimungan tulun taraat walu puru dilo.

Ih Chan nga tinangayan nogi mantad iso pomogompian sada id Kunak di tadau ko-16 tulan Koonom pogulu dilo om pinoidu di tadau ko-10 tulan Kohopod om Duo toun nakatalib. –BERNAMA

Komen


Berita Berkaitan