Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Pingisaman popoguli kalantaian sipoot hoki

11:13pm 12/02/2016 Maryann 2 views Abal Kinoyonon,Berita Pilihan,Kinoyonon,Kota Kinabalu,Sipoot

KOTA KINABALU: Malaysia kirikoton id ningkokoton ko-10 goos tosonong sompomogunan montok sipoot Hoki id suang timpu apat toun abantalan.

Porosidin Konfederasi Hoki Malaysia (MHC) Datuk Seri Subahan Kamal minoboros do mogisuai-suai laang pinalan montok mamagampot rikoton dilo montok popogulu kalantaian sipoot hoki miagal di pogulu id tukad ko-13 sompomogunan mamaso dilo.

“Id timpu dilo, Sabah haro Longkod Pingludaan Watas ih binahagi tolu zon om mangan ruhangai kumaa 3 zon poh kawagu sabaagi pingisaman pogirot sipoot diti,” ka disio soira minapaharo tombului tapantang kumaa Komontorian Komulakan om Sipoot Sabah id Wisma Muis do hiti di konihab.

Ka disio, puru dau nga mamalam do monuridong Sikul Porojik ih mangan papanaho id Beaufort montok mongukad bakat-bakat kawawagu id suang sipoot diti.

Minoboros ih Subahan do, Sabah nopo nga pogun kumoiso tinombului puru dau montok mogiboboros palan tindakan ih mangan papanaho montok pogirot sipoot hoki om manahak kotumbayaan kumaa tiim Hoki pogun mimang kosudong id piala sompomogunan toun 2018 om sipoot Olimpik toun 2020.

Daamot dilo Montiri Komulakan om Sipoot Sabah Datuk Hj. Tawfiq Abu Bakar Titingan monokodung poimponu atag palan laang di winonsoi do puru MHC.

Tumanud disio, palan dilo nopo nga ponginsamakan tosonong montok popoguli sinonong om kinalantaian do sipoot hoki id pogun diti om nogi Malaysia. – Sayang Sabah

hoki

Apa Komen dan Pendapat Anda

Artikel Berkaitan