Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pingisaman monoibau kiis denggi maya COMDEZ

kkm
KOTA KINABALU: Kiis demam denggi id posorili kakadaian Kota Kinabalu toun diti popokito kinoinsiribaon soginumu 60 pihatus piagalon tulan di miagal toun nakatalib.

Boyoon Siktor Tibi/Kusta Bohogian Kaantaban Toruol KKM Dr. Jiloris JF Dony minoboros do toun diti soginumu 93 kiis demam denggi nokito id posorili Kota Kinabalu om aiso poh kiis minogowit kapataion.

“Tumanud pongintaban diti, popokito ilo do kiis denggi posorili kakadaian diti nokito nokoinsiriba om puru dahai tumilombus papanau pingisaman mangantob om monoibau kiis diti mantad koingkawas maya ababayan momilanga misorili miampai mogigion kinoyonon,” ka disio.

Minoboros isido miagal dilo kumaa maganu habr id ababayan Kopotimpuunan Ekosistem Kondusif Siktor Kogumuan (EKSA) om ‘Community Dengue Zero’ (COMDEZ) om karamaian Toun Wagu Sina Kolinik Kolidasan Inanam, do hiti di konihab.

Daamot dilo soira minanahak boboroson id ababayan dilo, ka disio, EKSA minopointutun model ponilaian om pengauditan kawawagu ih kapaampai kriteria genetik om kriteria poimbida.

Ka disio, kopotimpuunan do COMDEZ nopo nga iso mantad pingisaman Tupis Kolidasan Kinoyonon Kota Kinabalu kituduan monoibau kiis demam denggi. – Dii Leolerry Lajius/Sayang Sabah

Komen


Berita Berkaitan