Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pingisaman mongingia moonuduk susumikul iso karaja abantug

guru musa
KOTA KINABALU: Pingisaman do mongingia monontuduk tangaanak nopo nga iso karaja abantug om pomilian tema tadau mongingia toun baino ‘Guru Pembina Negara Bangsa’ nopo nga kopisudong miampai tonggungan mongingia sabaagi potunud tagayo kumaa transformasi balajaran ih patantu kalantaian pogun diti.

Miagal dilo boboroson di Boyoon Montiri Datuk Seri Panglima Musa Hj. Aman soira minanahak boboroson id kopotimpuunan Festival Tadau Mongingia Nayatan Kabanaan 2016, id Dewan Kuliah Pusat ko-2 UMS, do hiti di konihab.

Tumanud disio, kopoonjuran karnival diti nopo nga osonong kopio montok mamagatang do tongo mongingia ngawi ih papanau tonggungan tagayo id suang manahak ponontudukan kumaa tangaanak om sabaagi tuod tagayo palantoi kaganaan balajaran id pogun diti.

“Otumbayaan oku karamaian Tadau Mongingia diti nopo nga kaanu palabus modal insan nakalantoi montok rayat pogun diti maya mogisuai-suai ababayan balajaran om piromutan duo misulak id tanga mongingia om mogigion kinoyonon suai ko pointutun mogisuai-suai kagayat ginawo id pogun diti,” ka disio.

Karamaian dilo pinaanjur do Tinimungan Utusan montok ko-8 om kumoinsan pinaanjur id Sabah toun diti. Karamaian diti pohoroon gison tadau ko-16 tulan Kolimo ramaion miampai mogisuai-suai ababayan. – SayangSabah

Komen


Berita Berkaitan