Sayang Sabah Facebook

Likes
Sayang Sabah Twitter

11,637

Followers

Sayang Sabah - Portal Berita Negeri Kita

Pingisaman do UMNO nga montok Sabah om Sarawak: Najib

11:52pm 10/12/2015 Maryann 6 views Abal Kinoyonon,Kinoyonon,Kota Kinabalu,Pulitik

PM-NAJIB2
KUALA LUMPUR: Pingisaman do UMNO onon nopo ko id Semenanjung Malaysia, nga katalib gisom id pogun Sabah om Sarawak maya sakadai di pinatahak kumaa paati-paati komponen Barisan Nasional (BN).

Porosidin UMNO Datuk Seri Najib Tun Razak minoboros do ahal dilo mamasi minanahak boboroson Porosidin id kopongukaban Pitimungan Tagayo UMNO 2015, id Longkod Pidagangan Sompomogunan Putra (PWTC) do hiti di baino.

“Di kawawagu, pinoilo ku do lobi ogumu kuasa pentadbiran toi ko ’empowerment’ ih kapaampai koupisan om agensi pisompuruan pikikiro patahakon kumaa koporintaan Sabah om Sarawak,” ka disio.

Najib ih ponogi Luguan Montiri minoboros do porinta nga minoboros nogi pingisaman montok momonsoi Lebuhraya Pan Borneo kininaru 1,796km id koduo-duo pogun dilo, miampai amu poontok nunu nopo baraian tol, mamaso isido minapawalad Bajet 2016 di tulan Kohopod nakatalib.

Montok Sabah, ka di Najib id siriba momuruan do UMNO om BN, pingisaman potilombus papanahon montok potimporon do kedaulatan id pogun Sabah mantad nunu nopo ponoruangan.

Poingkuro po nonu ih kotongob haro misosondiri id pogun diti kobulun kopio mooi ruba di puru haro kogoitan dilo sangod pangganas kumaa Lahad Datu, ka disio. – BERNAMA

Apa Komen dan Pendapat Anda

Artikel Berkaitan