Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pingisaman do susumikul OKU UIA mindakod Nuluhon Nabalu

PELAJAR OKU GUNUNG
KUNDASANG: “Songongom ku noh rumikot id timpak Nuluhon Nabalu … oruhai noh korikot nga sinunudan oku diolo do mumbal ih koimbagu,” ka dii Azzrulkhan Hasrullah Matsah, 24, susumikul Tulun Amu Kohimbogui (OKU) Universiti Islam Antarabangsa (UIA) ih kigaab rumikot id sunduk Nabalu goos akawas id Asia Tenggara, amu norikot.

Poingkuro po, nokorikot noh isido gisom id Sayat-Sayat, kirinongou 3,668.10 meter.

Azzrulkhan Hasrullah toi ko lobi orohian lohowon do Adam, susumikul toun kolimpupuson id kaganaan Piromutan minoboros do miampai isido 30 tulun tutumanud suai nokorikot id Sayat-Sayat jam 7 kosuabon om nasansagan tumanud pononsunudan puru nokomoi mooi tumingkod mindakod sabap ahal koumoligan.

“Ginawo ku milongot do otood om oruol ginawo sabap amu nokorikot id sunduk Nabalu. Sokiro nonuan do lobi timpu, otumbayaan oku korikot oku id sunduk Nabalu.

“Sokiro pinotilombus ku pamanahan mindakod tadau biano, korikot oku doti id Sunduk jam 10 kosuabon. Id timpu abantalan, sokiro mindakod kawagu oku nga maganu oku pakej tolu tadau duo tuong,” ka disio.

Minopoilo nunu nawayaan dau, Adam ih nolumpu mantad tawak gisom id siriba mantad kinosusuo om mindakod miampai monungkamang momoguno ginoris koduo-duo longon dau minoboros do, kinoruhang isido malim gunung mantad Timpohon kumaa Laban Rata pikikiro jam 6 kosuabon songkosodop. – BERNAMA

Komen


Berita Berkaitan