Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pingisaman do porinta popomogot balajaran

pairin-1-600x366
TAMBUNAN – Porinta minoposodia kousinan di ogumu montok popinsomok rinalom balajaran kopiagal di hontolon tagayo id suang popotunda komogoton susumikul.
Kumoduo Boyoon Montiri Tan Sri Joseph Pairin Kitingan minoboros do sakadai sikulan i pinosodia porinta kaanu momonu rikoton id suang mogintong kopio toinsanan sikul om tangaanak sikul kaanu kosiwatan om komilaan di miadang montok mamagampot kapaasan tosonong okon nopo ko id balajaran nga kokurikulum nogi.
“Kousinan di pinosodia okon nopo ko sikulasip miagal Sikulasip Poimbida Kalas Koiso Porsodiaan Universiti, Skim Pangalasan Buuk Teks, Sakadai Rasuk Sikul, Sakadai Tosopung Sikulan, Sakadai Baucar Buuk 1 Malaysia om ogumu po,” ka disio.
Minoboros isido miagal dilo soira minanahak boboroson id kopongukaban ababayan Apressiasi Kecemerlangan Tupis Balajaran Watas Tambunan 2014 id Walai Titimungan Tulun Ginumuan, hiti di songkosodop.
Alansan nogi isido moi poruntukan mantad porinta kaanu popotunda balajaran pogun diti kopiagal rikoton do pogun montok papalabus susumikul ngawi di kaanu popoingkawas ngaran om ningkokoton pogun diti id nayatan sompomogunan. – Dii Kalawon Sawing / SayangSabah

Komen


Berita Berkaitan