Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pimuapakatan mamajamin BN kotilombus ogirot

Boyoon Montiri, Datuk Seri Musa Aman (gibang) mamaramit tombului di Kumoduo Boyoon Montiri Tan Sri Joseph Pairin Kitingan id kinoyonon Boyoon Montiri id Sri Gaya, Kota Kinabalu. – pix JKM
Boyoon Montiri, Datuk Seri Musa Aman (gibang) mamaramit tombului di Kumoduo Boyoon Montiri Tan Sri Joseph Pairin Kitingan id kinoyonon Boyoon Montiri id Sri Gaya, Kota Kinabalu. – pix JKM

KOTA KINABALU – Koubasanan pimuapakatan om pibarasan id suang manalasai mogisuai-suai ahal di nokoimbulai kagait kosuulan do paati nopo nga ponginsamakan tagayo Barisan Nasional (BN) do mogintong kotilombus ogirot o paati dilo.
Boyoon Montiri Datuk Seri Musa Aman minoboros do, nunu nopo ahal di koimbulai om haro kogoitan do paati nga mangan poboroso montok pibarasan poingukab moi kaanu mogihum iso ralan panalasaian dit osonong montok kosuulon toinsanan puru.
“Id suang paganakan BN, toinsanan puru paati apatut mongukab pomusarahan om tumoguang mogisuai-suai ahal di koimbulai moi kaanu salasaion id pimuapakatan,” ka disio kalapas minapaharo pirubaan miampai Kumoduo Boyoon Montiri, Tan Sri Joseph Pairin Kiitingan id walai Boyoon Montiri, Sri Gaya, Kota Kinabalu, hiti di konihab.
Tumanud di Musa, amu milo olimon do aantakan nogi pisuaian pomusarahan id suang komponen paati ih popoimbulai kobolihangkangan, nga ka disio ilo nopo nga aantakan nogi id hombo nopo parti.
Sundung do ingkaa ka disio, nunu ih kosuul, puru paati apatut tumilombus miiso ginawo om mingisom do popogirot ningkokoton om kogorison. – Dii Sitti Nor Azizah Talata / SayangSabah

Komen


Berita Berkaitan