Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pilio PDRM sabagi tupisor piromutan kogumuan id Sikul

Ramli Marhaban (wanan) miampai momuruan mogigion id ababayan dilo.
Ramli Marhaban (wanan) miampai momuruan mogigion id ababayan dilo.

SEMPORNA – Pomilian puru Pulis Diraja Malaysia (PDRM) sabagi tupisor piromutan sikul kaanu monguhup papasarabak ahal disiplin id tanga kukumaraja sikul lolobi kopio kumaa tangaanak sikul.

Monguhup Montiri Kousinan Pogun Datuk Ramlee Marhaban minoboros do laang miagal dilo milo papanahon do toinsanan sikul id pogun diti sabap pulis nopo nga puru monguasa ih kitonggungan monungolig koumoligan ginumuan.

“Sabap dilo, pomilian do tupisor piromutan sikul mantad PDRM kitonggungan tagayo id suang mamagampot rikoton dilo.

“Miampai laang miagal dilo, koduo duo puru kaanu papanau pibarasan karait laang mangantob kowowoyoon amu osonong id tanga susumikul lolobi ih haro kobolihangkangan disiplin,” ka disio.

Minoboros isido miagal dilo id ababayan pantauliaan Tupisor Piromutan Sikul id Dewan Perpustakaan Semporna, do hiti.

Ramlee ih ponogi Puru Walai Koundangan Pogun (Adun) Bugaya lumansan miampai pomilian puru PDRM sabagi Tupisor Piromutan Sikul kaanu popoimbulai iso palan piuhupan miampai puru sikul nokomoi magantob kasalaan dadah om kowowoyoon amu osonong id tanga tangaanak sikul.

Minongunsub nogi ih Ramlee moi puru PDRM di pinili sabagi tupisor piromutan sikul kaanu momoguno ningkokoton dilo montok monginsomok, manahak pononsunudan om popoingkawas kopurimanan kumaa tangaanak sikul.

Id ababayan dilo, soginumu 27 tupisor PDRM pinili montok sikul posorili watas Semporna. – SayangSabah

Komen


Berita Berkaitan