Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pikikiro lobi 30,000 rumikot mamaramai id Ababayan Jelajah Balajaran Takawas Labus Pogun

iksnita-600x450

KOTA KINABALU – Lobi 30,000 tulun pikikiro rumikot mamaramai Ababayan Jelajah Balajaran Takawas Labus Kakadaian Nayatan Pogun Sabah 2015 ih kotimpuun koowion tulan diti gisom tulan Kaapat abantalan.
Id ababayan dilo, pohoroon nogi pokikitanan ih atanud soginumu 30 institut balajaran takawas porinta om minsosondiri (IPTA/S).
Ababayan dilo pinapanau do Kotinanan Industri Kecil om Koonduan Sabah (IKSNITA) kihontolon manahak kointalangan kumaa mogigion lolobi kopio sukod wagu lapasan Sijil Pelajaran Malaysia (SPM) om Sijil Tinggi Persekolahan Malaysia (STPM) id labus kakadaian karait kointalangan kawawagu om kosiwatan mongoput balajaran id nayatan lobi takawas.
Porosidin dau Dayang Khatijah Datu Bachtyal minoboros do, toiso-iso institut balarajan manahak tawaran porijisto aiso kabayar kumaa tulun di korikot id ababayan dilo ih pohoroon solinaid duo tadau id toiso-iso watas di nopili.
“Watas nopo dii kaampai id ababayan diti nga Papar, Beaufort, Kuala Penyu, Sipitang, Nabawan, Tenom, Keningau, Tambunan, Tuaran om Kota Belud.
Poompus ababayan dilo, ogumu aktiviti mangan papanaho kosuang nogi pialaan moncippta slogan, seminar peningkatan diri om ogumu poh,” ka disio kalapas minapaharu tombului tapantang kumaa Potunud Pengarah Yayasan Sabah, Datuk Sapawi Ahmad id Wisma Innoprise, hiti di baino. – Dii Monica Gidong / SayangSabah

Komen


Berita Berkaitan