Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Piiaan SOP id longkod poundolihan luyud papasanang manahak sakadai: Rohani

Rohani id pitimungan maganu habar.
Rohani id pitimungan maganu habar.

KOTA KINABALU – Kosuul o kopiiaan laang karaja toi ko prosedur operasi standard (SOP) id longkod poundolihan do luyud poimpuli pogun montok poposinang karaja kapanahakan sakadai kumaa mogigion di nogompitan do luyud.

Montiri Kotundaan Koonduan om Paganakan, Datuk Seri Rohani Abdul Karim minobors do, sabap dilo sorisidon do komontirian disio karalano popiio doti SOP id toiso iso pogun moi sakadai om pongurusan id longkod poundolihan kapanau miampai kiwaya.

“Soira aantakan o luyud, yahai (Komontirian) id siriba Koupisan Kobajikan Mogigion nonuan do tonggungan montok mongurus mogigion di nokotoguang do luyud id longkod ngawi poundolihan.

“Intangan tokou kososuaian do popiio do SOP kosuang monginsonong sistom pongurusan krisis luyud id longkod poundolihan montok mogintong kopio kinoyonon dilo,” ka disio kumaa maganu habar hiti di konihab.

Nokotindapou nogi Montiri Kotundaan Mogigion om Ahal Momoguno Datuk Jainab Ahmad.

Tumanud di Rohani, pongurusan do korumbakan sandad misorili ih lobi oulud pogulu aantakan, mamaso aantakan o luyud om nogi kalapas atanus o luyud kosuul kopio montok mogintong karaja papatahan do sakadai kumaa mogigion di naantakan do luyud koindalan miampai osonong.

“Korumbalon do luyud amu tokou oilaan soira aantakan… nga miampai haro porsodiaan tosopung om SOP di atalang, amu tokou oindamaan atangkangau do papanauu tongungan,” ka disio. – Dii Monica Gidong / SayangSabah

Komen


Berita Berkaitan