Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

PIBG, sikul kaanu manahak sokodung kumaa susumikul

Jainab Ahmad (tanga) manahak boboroson id ababayan dilo.
Jainab Ahmad (tanga) manahak boboroson id ababayan dilo.

MENGGATAL – Kaanu o Malaysia sumiliu pogun di posoliwan kukumaraja kipomusarahan takawas om haro kowowoyoon tosonong.

Sokiro kaanu o pogun suai momonsoi tiknologi di kawawagu, rayat Malaysia nga kaanu nogi papalabus sukod wagu di atarom pomusarahan montok tumoguang pomogunan di ogumu pialaan.

Montiri Kotundaan Mogigion om Ahal Momoguno Datuk Jainab Ahmad minoboros do norikot noh timpu Kotinanan Molohingon om Mongingia (PIBG) manahak ponguhupan kumaa puru sikul do mogintong kopio kotunda o balajaran tangaanak sikul.

“Apatut tokou mongukab pomusarahan om monimban do waya tokou momusorou montok mogintong kopio balajaran tangaanak sikul id gontob di goos akawas om osonong,” ka disio.

Minoboros isido miagal dilo soira minanahak boboroson id kopotimpuunan Mitingan Tagayo PIBG Sekolah Rampayan, do hiti.

Nokorikot nogi ih Monguhup Tupisor Balajaran Watas Kota Kinabalu, Adzrul Puddin; Molohingon Sikul SK Rampayan, Abdul Razak Muda om Yang Dipertua PIBG SK Rampayan, Murad Said.

Minoposorou nogi ih Jainab kumaa komolohingan ngawi do kasasari manahak sokodung togirot kumaa tangaanak diolo do mimparagat balajar. – SayangSabah

Komen


Berita Berkaitan