Sayang Sabah Facebook

Likes
Sayang Sabah Twitter

11,794

Followers

Sayang Sabah - Portal Berita Negeri Kita

Pialaan migusa parau naga sompomogunan FCAS ko-3 tulan Kolimo

11:11pm 21/03/2016 Maryann 1 views Abal Kinoyonon,Kinoyonon,Kota Kinabalu

perahu naga
KOTA KINABALU: Pialaan Migusa Parau Naga Sompomogunan poonjuron do Koisaan Tinimungan Sina Sabah (FCAS) Sabah ko-3 pikikiro kapanau id Tanjung Lipat, Teluk Likas, do hiti solinaid duo tadau mimpuun ko-21 tulan Kolimo diti.

Potunud pialaan, Datuk Susan Wong Siew Guen minoboros do tadau pialaan dilo pinosopung ontok tulan Kotolu ih koubasanan pohoroon tulan Koonom sabap koputusan puru paanjur montok mangalai kopilopisan tadau pialaan dilo di suai.

“Ponimbanan do tadau pialaan nga kituduan montok manahak kosiwatan kumaa tongo tutumanud sompomogunan momurimon karamaian Tadau Kaamatan tulan Kolimo,” ka disio.

Tumanud dii Susan, pikikiro 120 tutumanud kaampai id pialaan dilo kosuang tutumanud mantad Taiwan, Shanghai, Foshan, Xiamen, China, Hong Kong, Singapore, Brunei om Australia om tutumanud kinoyonon.

Suai koi lo, ababayan do suai nopo nga pialaan mogonsok taakanon koubasanan ladu sina ih pikikiro pohoroon om uruson do komiti koonduan FCAS Datuk Agnes Shim.

Kointalangan potilombus aanu maya numbur talipaun 088-253 433, 088-262 100 , 016-827 1884(Jeremy) toi ko 016-827 9675 (Victor).- Dii Syafathin M.Y./SayangSabah

Apa Komen dan Pendapat Anda

Artikel Berkaitan