Sayang Sabah Facebook

Likes
Sayang Sabah Twitter

11,696

Followers

Sayang Sabah - Portal Berita Negeri Kita

Petronas monuridong linimput upis wagu id Sabah

8:14pm 25/02/2016 Maryann 0 views Abal Kinoyonon,Kinoyonon,Kota Kinabalu

petronass2-600x366
KOTA KINABALU: Kumponi Petroliam Nasional Bhd (Petronas) pikikiro monuridong iso linimput upis toi ko menara wagu id Sembulan do hiti.

Timbang Porosidin Totuo Huluan Malaysia Petronas Datuk Mohd Anuar Taib minoboros do porojik kigatang RM136.9 riong dilo mangan impuunai tulan abantalan nopo nga sombohogian palan timpu tanaru Petronas montok manampung kogunoon karaja om kukumaraja id timpu abantalan.

“Kopiagal dilo kotundaon pongindopuan do Petronas id pogun Sabah, tantu koimbulai koporluan do popoiyon ginumu kukumaraja om koupisan ih muhang-ruhang id timpu-timpu,” ka disio id kopotimpuunan porojik pamansaian dilo do hiti di baino.

Tumanud dii Mohd Anuar, bangunan 11 tingkat miampai rekaan kawawagu dilo turidongon montok manampung lobi 500 tulun kukumaraja, pikikiro opongoh tulan Kowalu 2018.

“Projik diti kalansanan kopogowit nogi’ do waya’ tosonong kumaa ababayan ikonomi nokoiyonon, kosuul no id pomorunan kapamansaian nokoiyonon nogi’ pomorunan sokodung di suai,” ka disio.

Naamot dilo’, i Boyoon Montiri Sabah Datuk Seri Musa Aman minoboros do projik dilo’ kosili ponokotanda’ wagu id Kota Kinabalu, potilombus dino kopokito kotumbayaan do Petronas kohondot di kalantaion timpu dumontol pomogunan tumau om gas id pogun diti.

“Kinoiyonon do Sabah i kosudong nokoposili pogun diti iso’ koiyonon di osonong montok manahak kotorinaan kumaa ababayan ‘eksplorasi’ om kopolobusan id ponongkoiyonon Asia-Pasifik.

“Koporintaan pogun manahak pongokunan do kosiwatan tagayo i pouyuhon do pomorunan diti i koponguhup poposindak kopotundaan sosiol om ikonomi pogun,” ka disio.

Teks booboroson disio binasa’ di Kumoduo Boyoon Montiri Sabah Datuk Yahya Hussin. Minoboros nogi’ i Musa do koyuon gatang pidagangan tumau tahata’ id pomogunan do babaino’ diti amu’ kopomidsala’ do tinonggungan koporintaan pogun montok tumilombus monginggirot nindikohon Sabah id mogisusuai siktor pomorunan.

Ka disio iti nopo nga’ kaampai no pisokodungan do koporintaan pogun miampai pomorunan montok mongingkaas gontob kabaahan, popotunda’ ginoris om poposodia’ kosiwatan montok mongingkawas komilaan.

Id ababayan dilo’, komponi Muhibbah Engineering (M) Bhd om KK Dinamik Sdn Bhd suminain kuntirik i pinouyu kumaa diolo’ montok monuridong om momonsoi do menara upis dilo’.-BERNAMA

Apa Komen dan Pendapat Anda

Artikel Berkaitan