Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Perkasa nosiliu impohon potunda ikonomi

perkasa

TAWAU: Kooisaan Kobajikan Tangaanak Semporna (Perkasa) kaanu silihon impohon do poposindak piuludan, ikonomi om popotunda balajaran id watas diti.

Monguhup Montiri Kousinan Pogun Datuk Ramlee Marhaban minoboros do, puru koisaan dilo nopo nga norukutan mantad tinimungan profesional ih kitoilaan id mogisuai-suai kaganaan.

“Mantad nokoimbulai 11 toun nakatalib, ogumu ponghupan do kotinanan toi ko koisaan dilo kumaa tangaanak mantad watas Semporna lolobi id suang kaganaan balajaran miagal mongoput balajaran id pogun suai,” ka disio.

Minoboros isido miagal dilo id ababayan karamaian Aidilfitri Perkasa ih notindapou pikikiro 500 tulun kinoyonon watas dilo do hiti di konihab.

Tumanud disio, visi om misi do Perkasa nga montok popogirot piromutan id tanga tangaanak Semporna suai ko manahak ponguhupan kumaa diolo.

Ramlee ih ponogu Puru Walai Koundangan Pogun (ADUN) Bugaya minoboros do mantad ahal ikonomi, haro puru dau ih nakalantoi id pongindopuan.

Sabap dilo unsubon disio o koisaan dilo mooi tumilombus papanau karaja sabaagi agen kopoundolihan id suang papanau om papatahak impohon do porinta lologi kumaa mogigion id watas diti. – SayangSabah

Komen


Berita Berkaitan