Sayang Sabah Facebook

Likes
Sayang Sabah Twitter

11,809

Followers

Sayang Sabah - Portal Berita Negeri Kita

PBS mongunsub papanahon poimponu atag RCI

11:33pm 11/04/2016 Maryann 13 views Abal Kinoyonon,Berita Pilihan,Kinoyonon,Kota Kinabalu

pbs
KOTA MARUDU: Parti Bersatu Sabah (PBS) momohulit kawagu pongunsuban mooi Porinta Pisompuruan om Porinta Pogun potimpuun pamagayatan kawagu kad kointutunan aiso kasagaan ih pinatahak kumaa tulun songkosuaian om potimpuun panahakan kad kointutunan kawawagu kumaa rayat Sabah di pointopot.

Kumoduo Porosidin PBS Datuk Seri Panglima Dr. Maximus Ongkili minoboros do pongunsuban dilo nopo nga sabaagi laang montok manalasai kobolihangkangan modidikot songkosuaian aiso kasagaan (PATI) om sombohoggian mantad atag di poinsuang id Ruputan Suruhanjaya Ponoriukan Diraja (RCI) karait resolusi kobolihangkangan modidikot aiso kasagaan id Sabah.

“Ogumu tulun mimboros do ilo nopo nga iso karaja di osusa, nga ih yahai id PBS otumbayaan aanu ilo papanahon.

“Sabaagi kopotimpuunan, kiis-kiis kiharo kad kointutunan di noilaan nakasala mositi mimbulai om popokito do iyolo nopo nga mimang rayat di pointopot,” ka disio id Mitingan Tagayo Tounan PBS N.31 Tandek id Dewan Masyarakat Kota Marudu, do hiti di baino.

Ka disio, PBS monokodung poimponu toinsanan atag RCI om minoboros ih Maximus do porijistaan kawagu nopo nga iso laang montok manapis toinsanan kiis kapaampai tulun songkosuaian ih nakaanu ningkokoton tulun mamasok miampai aiso katapatan.

Minongunsub nogi isido mooi PBS tumilombus mokianu kapanau laang diti montok manahak pamantangan kumaa ruputan RCI om nogi sabaagi sisimbar kumaa kopokionuan do rayat Sabah karait ahal dilo.

“Sabap dilo, porinta pisompuruan om porinta pogun mositi maganu laang kosudong montok papanau atag RCI montok porijistor kawagu toinsanan rayat Malaysia mantad Sabah montok kadaulatan wilayah Sabah om koumoligan pogun diti,” ka disio. – SayangSabah

Apa Komen dan Pendapat Anda

Artikel Berkaitan