Sayang Sabah Facebook

Likes
Sayang Sabah Twitter

11,803

Followers

Sayang Sabah - Portal Berita Negeri Kita

PBS minopoindalan tonggungan kiwaya popiadang pulitik, ponorinaan pogun: Najib

11:03am 11/11/2015 Maryann 0 views Abal Kinoyonon,Kinoyonon,Kota Kinabalu

PM-berucap
KOTA KINABALU: Luguan Montiri Datuk Seri Najib Tun Razak minoboros do Paati Bersatu Sabah (PBS), iso mantad paati komponen Barisan Nasional (BN), minopoindalan karaja tosonong id suang popiadang pulitik om pontadbiran pogun.

Najib ih ponogi Ponorikohon BN minoboros do tonggungan tosonong di pinapanau do PBS dilo kosuul montok poimbulai Malaysia sumiliu iso pogun di kalantok, komogot om oulud.

“Osudu ginawo ku om mongunsikou oku kumaa momuruan do PBS om nogi puru dau miampai sokodong diolo kumaa doho sabaagi Ponorikohon BN,” ka disio maya porutusan dau id buuk aturcara kopihondot Pitimungan Tounan PBS Ko-30 mantad ko-13 gisom ko-15 tulan Kohopod om iso diti.

Tumanud di Luguan Montiri, kopomuruanan do BN potilombus manahak pongunsuban om sokodung kumaa toinsanan puru BN lolobi kopio PBS moi kotilombus kalantoi om kaanu papanau tonggungan miampai kiwaya kumaa kotundaan pogun

Najib nga minongunsikou nogi kumaa PBS om momuruan dau ih binuruan di Porosidin dau ‘Huguan Siou’ Tan Sri Joseph Pairin Kitingan sabap insan po kawagu nakaanu papaharo pitimungan tounan do paati dilo.

Alansan isido PBS potilombus pingisaman tosonong montok kosuulon sukod wagu om kalantaian toinsanan tinaru id Malaysia. — BERNAMA

Apa Komen dan Pendapat Anda

Artikel Berkaitan