Sayang Sabah Facebook

Likes
Sayang Sabah Twitter

11,669

Followers

Sayang Sabah - Portal Berita Negeri Kita

PBRS mangatag ponuridangan tinan poimbida potunda ikonomi do mamasok Sabah

2:00pm 03/11/2015 Maryann 0 views Abal Kinoyonon,Kinoyonon,Kota Kinabalu

kurupKOTA KINABALU: Paati Bersatu Rayat Sabah (PBRS) minapaatag kumaa koporintaa moi monuridong iso tinan poimbida montok manahak poimbanganan potunda ikonomi Bumiputera toi ko mamasok id Sabah.

Porosidin PBRS, Tan Sri Joseph Kurup minoboros do tinan poimbida dilo okito kiguno kopio suai ko suvai ko kaanu silihon ponginsomok topurokis doid pongukaban kosiwatan om papatanom kalansanan kawawagu kumaa rayat id nayatan sunsud.

Kurup, ih ponogi Montiri id Koupisan Kuguan Montiri, minoboros do tinan poimbida dilo wookon suai papanau limo objektif koiso, ilo nopo nga popoingkawas pongindapuan, popoingkawas modal tulun, papawakas om mamantod aset tana, popoingkawas kosinganuan ekuiti, om nogi popoingkawas kotundaan pambalajaran om kotundunan.

“Alansan o PBRS do ponuridangan tinan diti do adangon miampai totootopot,” ka disido ontok minopolombus pason impohon id pitimungan tritahunan do paati nokomoi, do hiti di konihab.

Pitimungan dilo pinoimagon di Luguan Montili Datuk Seri Najib Tun Razak, i ponogi Ponorikohon Barisan Nasional (BN).

Potindapou nogi i Boyoon Montiri Sabah, Datuk Seri Musa Aman, i sabaagi Ponorikohon BN Sabah.

Minoboros ih Kurup do ponuridangan tinan poimbida dilo insan insan koimau mamantod po kawagu kalansanan do rayat Bumiputera Sabah kumaa BN.

“BN okon ko kaanu noopo popoburu mesej pulitik nga i lobi kiwaya nopo nga momusorou kopoburuan id lobi kiwaya miagal do maya mesej ikonomi,” ka disido. – BERNAMA

Apa Komen dan Pendapat Anda

Artikel Berkaitan