Sayang Sabah Facebook

Likes
Sayang Sabah Twitter

11,791

Followers

Sayang Sabah - Portal Berita Negeri Kita

PBB, monuang kokurian Bomba

1:20am 12/12/2015 Maryann 14 views Abal Kinoyonon,Berita Pilihan,Kota Kinabalu

bomba
KOTA KINABALU: Soginumu 55 tulun Tupisor Bomba Manakadai mantad walu watas pogun diti nokopupus Pingsingilaan Kotimpuunon om potilombus pinangaran sabaagi Tupisor Bomba Manakadai (PBB) di konihab.

Tumanud Boyoon Potunud Bohogian Pinsingilaan Koupisan Bomba om Manampasi Mohammad Hamdan Haji Wahid, pomilian do tupisor bomba manakadai id Malaysia kaanu manampung kokurian puru bomba id balai-balai bomba.

“Gisom baino soginumu 279 tinan balai bomba noturidong om nukaban id poimpuli pogun Malaysia nga kakal ogumu kinoyonon labus kakadaian miampai ginumu mogigion pikikiro 20,000 tulun kakal aiso balai bomba,” ka disio.

Ka disio, gisom baino soginumu 1,200 tulun PBB id Sabah mantad soginumu 14,500 tulun poimpuli Malaysia, ih monguhup do tupisor bomba pointatap papanau karaja.

“Ginumu dilo potilombus ruhangan gisom korikot rikoton 15,000 tulun poimpuli Malaysia,” ka disio soira minoboros id ababayan pomilian do PBB toun 2015 id dewan serbaguna Longkod Tupis Koupis Bomba om Manampasi Malaysia, Sabah.

Tumanud disio, pongintaban kinapataion sabap mantad kinotutudan id Sabah nopo nga soginumu 97 tulun di toun 2013 om soginumu 75 tulun di toun 2014. – Dii Leolerry Lajius/Sayang Sabah.

Apa Komen dan Pendapat Anda

Artikel Berkaitan