Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

PATI haro DVD aiso kasagaan ginakom

douglass-600x398
KENINGAU: Songulun kusai modidikot songkosuaian aiso kasagaan (PATI) ginakom do pulis sabap kikotumbayaan haro DVD mogisuai-suai tajuk miampai aiso Sijil Perakuan B.

Boyoon Pulis Watas Keningau Deputi Supritendan Polis (DSP) Douglas Nyeging Taong minoboros do kuai dilo aiso surat kointutunan tinahan iso tinimungan pulis mantad bohogian Ponoriukan Kassalaan Tawagat Komersial IPD Keningau ih minomonsoi pamantauan karaja padagangan do DVD/CD aiso kasagaan id posorili Kakadaian Keningau.

Ka disio, kusai dilo kikotumbayaan padagang do DVD/CD aiso kasagaan naanu ginakom om kakamot padagangon dau 52 koping DVD mogisuai-suai tajuk miampai aiso Sijil Perakuan B om iso kantung sasandangon sinanganu di natandasan nga naahau nogi.

“Toinsanan di naahau tinangayan kuminaa IPD Keningau montok laang om ponoriukan potilombus id siriba Seksyen 18 (4) Akta Penapisan Filem 2002. – Sayangsabah

Komen


Berita Berkaitan