Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

PATI: Duo poh kawagu Longkod Panahanan Daamot Pikikiro Wonsoion

PUSAT TAHANAN-ZAHID

KUALA LUMPUR – Duo poh kawagu longkod panahanan daamot (PTS) kigatang RM50 riong pikikiro wonsoion id Tawau om Lahad Datu, Sabah montok manampung koingkawasan ginumu modidikot songkosuaian aiso kasagaan (PATI) ih tinahan id pogun diti, ka di Kumoduo Luguan Montiri Datuk Seri Dr Ahmad Zahid Hamidi.

Isido ih ponogi Montiri Suang Pogun minoboros do koputusan dilo wookon di naanu id mitingan Komiti Tagayo Pongurusan Tulun Songkosuaian id Sabah di tadau baino, kalapas minonorisid atag Suruhanjaya Ponoriukan Diraja (RCI) karait ahal modidikot songkosuaian id pogun dilo.

“Apat PTS ih harom mantad id Sabah mamaso diti kaanu poporumpos pikikiro 6,000 PATI om momonsoi tokou kawagu duo poh PTS id Tawau om Lahad Datu,” ka disio id pitimungan habar id Longkod Tupis Pulis Bukit Aman do hiti di tadau biano.

Minoboros isido miagal dilo kalapas minonorikohon mitingan dilo ih notindapou di Boyoon Montiri Sabah Datuk Seri Musa Aman, Boyoon Pulis Malaysia Tan Sri Khalid Abu Bakar om piro-piro tupisor totuo komontirian om porinta Sabah.

Suai ko ilo, ka di Ahmad Zahid, wookon nopo atag RCI ih adangon kosuang ponguatkuasaan sistom biometrik toi ko pogintangan do cap tunturu misosongulun id 10 wayaan sumuang om sumoliwan pogun id Sabah.

Ka disio, laang dilo naanu montok mogintong om mongintutun do PATI ih pinaatod muli kumaa pogun diolo pinosonarai hitam mantad sumuang kawagu id pogun diti.

“Iti kituduan patantu do PATI amu momoguno dokumen pilasu toi ko momoguno dokumen sinanganu tulun suai nga mongolon do kointutunan montok kosuulan sondiri.

“Opurimanan tokou do PATI ih haro id suang PTS nga apatut onuon o cap tunturu soira poulion iyolo kumaa pogun tadon miampai ponguhupan kodutaan toi ko konsul-jeneral id Sabah, kosuangon kawagu diolo id karalanon aso kasagaan aanu mogintong maya sistom diti,” ka disio.

Komiti tagayo dilo haro 12 puru kosuang ponorikohon kapaampai, Montiri Suang Pogun om Boyoon Montiri Sabah ih papaharo mitingan tolu tulan do id Sabah toi ko id Kuala Lumpur.

Mongulas karaja poimbida mogintong om Manahan PATI id Sabah ih nokotimpuun kotimpuunon toun diti ka dii Ahmad Zahid, kakal koindalan ilo monikid tadau.

Gisom baino ka diiso, lobi 3,000 PATI nokosuang id ‘sonarai hitam’, ilo nopo nga 2,057 tulun mantad Filipina, 440 tulun mantad Indonesia om 517 kawagu mantad pogun do suai. – BERNAMA

Komen


Berita Berkaitan