Sayang Sabah Facebook

Likes
Sayang Sabah Twitter

11,791

Followers

Sayang Sabah - Portal Berita Negeri Kita

Pason Boyoon Montiri kopihondot karamaian Tadau Krismas

11:56pm 27/12/2015 Maryann 0 views Abal Kinoyonon,Kinoyonon,Kota Kinabalu

musa25
Kopisanangan om salam 1Malaysia. Yoho om sawo ku, Faridah Haji Tussin om paganakan, mamason Kotobian Tadau Krismas kumaa tulun Kristian id poimpuli pogun lolobi id Sabah.

Rayat Malaysia mantad mogisuai-suai tadon insan poh kawagu mogipason-pason, okon nopo ko id tanga paganakan diolo nga nogi kumaa koombolutan ngawi ih mogisuai-suai tinaru om ugama.

Mimang, koubasanan mamantang om mamaramai nunu nopo karamaian iso karalanon om koubasanan tokou, ih noponu piupakatan om sunduan miambalut.

Kasasari tokou posodia mamaramit om mamagatang kopogisuai-suaian id tanga tiso om tiso, mamantang kosuaian do adat om koubasanan gisom poposiliu karamaian diti lobi kirati.

Sabap dilo, apatut tokou tumilombus posindak om potimporon sunduan mamantang tiso om tiso ih papaanu dotokou mamaramai mogisuai-suai karamaian id kowowoyoon dii osonong, oulud om osimbayan.

Kalansanan ku mintong rayat Malaysia id Sabah kotilombus ogirot om miiso lolobi id suang tumoguang nunu nopo kaantaban om laang puru pointantu ih mumbal mamabak piuludan tokou.

Sabap dilo, kada tokou pologoso laang aiso tonggungan ih kapanahak waya amu osonong kumaa kotundaan om komogoton ih nagampot tokou. – Sayangsabah

Apa Komen dan Pendapat Anda

Artikel Berkaitan