Sayang Sabah Facebook

Likes
Sayang Sabah Twitter

11,789

Followers

Sayang Sabah - Portal Berita Negeri Kita

Papanau lori noiduan ginawo id koligaganan talun alun

12:21am 11/02/2016 Maryann 0 views Abal Kinoyonon,Kinoyonon,Kota Kinabalu

kemalangan
KOTA KINABALU: Songulun papanau lori noiduan ginawo kalapas lori pinapanau dau nakaampai id koligaganan talun alun miampai iso korita Toyota Vios, id Jalan Sepanggar, somok Taman Jaya Diri, do hiti di konihab.

Id kinaantakan pikikiro jam 10.57 totuong dilo, koduo-duo di papanau Motinjol Monukong, 59 om songulun kusai, 28 toun nosindualan om pinaatod id Walai Pongubatan Likas.

Mojingol noiduan ginawo jam 6.15 kosuabon baino id Bilik Koligogon Walai Pongubatan Likas, om papanau korita Toyota Vios mosindualan tokuri id tinan dau.

Tumanud Boyoon Pulis Watas Kota Kinabalu, ACP M.Chandra, kinaantakan dilo naantakan soira korita Toyota Vios id tindalanon kumaa Tuaran tinalib do Ralan Sepanggar, soira nokorikot id tampat kinaantakan, korita dilo nokotugu tisan ponong gibang lori dilo.

Mantad ponoriukan tosopung kinaantakan sassabap koolingon di papanau logi mamaso tinurug ‘U’ gisom naantalan koligaganann dilo. – SayangSabah

Apa Komen dan Pendapat Anda

Artikel Berkaitan